黃建東做人老公難忍笑

由張之珏執導的舞台劇《老公你好悶呀！》邀請了藝人黃建東擔任男主角，是東東首部做男一的舞台劇。他坦言知道張導有幾個人選，最後選中他，令他分外驚喜，又笑言導演要求他做的第一件事就是減肥：「影海報時，佢話要我畀條腰佢。為咗今次演出減咗20磅，演出嗰日會再瘦多30磅，唔想畀人覺得呢個係肥仔。而且舞台劇需要好多體力，做兩個幾鐘，要努力Keep Fit。」