獲隊友力撐 姜濤抖完一輪開朗番
要數燈箱廣告霸者自然非「人氣王」男團MIRROR成員姜濤莫屬，早前「姜濤誕」一眾「姜糖」包起銅鑼灣一帶的LED燈箱廣告示愛，認真誇張！最近他疑似壓力爆煲，在網上放負狂呻，相信令粉絲相當擔心。
昨日MIRROR成員Anson Lo（盧瀚霆）、Edan（呂爵安）與Ian（陳卓賢）在鰂魚涌出席網上慈善音樂會記者會，齊齊派「定心丸」指姜濤已經沒事，Edan指對方只是工作太忙、感疲倦，現在情況OK。Anson Lo認為姜濤是需要私人空間的人，讓他靜下來，到情緒好轉，再陪伴他已足夠。而Ian則笑指他經休息後，在網上留言也開朗得多。
最近Edan遭舊愛在社交網踢爆曾出軌，更有疑似他撩女「想磨吓」的露骨對話流出。對於被翻舊史，Edan受訪時坦言最初會有點不開心，但會調整心態、自我觀，亦與「前度」溝通過。問到可擔心事件影響形象？他說：「擔心都冇用，做好自己。（網上留言小心啲？）唔回應喇！」而Anson Lo則回應粉絲內訌，希望粉絲能一團和氣。至於將生日的Ian自言不是節日感重的人，與女友盧慧敏簡單食飯已經開心。