「初哥」吳業坤挑機 想打爆謝東閔對眼！
將出戰拳賽的謝東閔（Brian）、羅孝勇與吳業坤除了唱得，原來仲好打得，當中最好打是羅孝勇，見他練習時狠狠對着Brian頭部重拳出擊，Brian受訪時說：「唔係講笑，係真打o架！佢只係用咗7成力，但我畀佢打到頭都暈！」
至於去年開始學空手道的吳業坤，拳擊上只是初哥，卻夠膽死向Brian「挑機」，指他最靚仔，故要「打爆」他最煞食的雙眼！Brian當然冇有怕，笑說：「我已經打爆咗佢啦！（追住佢嚟打？）唔係，我就住佢嚟打，但都打爆咗佢，佢已經知錯！」但吳業坤不認輸，死撐說：「未到最後都唔知咩事，我對自己有信心，係驚對眼啫！因為啱啱做完矯視，醫生話冇問題，但碰撞嘅嘢就唔知喇！」問到有甚麼撒手鐧，他說：「用我嘅『長處』囉！（邊度？）對手，我對手夠長嘛！可以拉開啲距離。」
