蔡嘉欣寸爭做一姐 吳若希唔撈《姊妹淘》
無綫節目《姊妹淘》主持不時爆出不和傳聞！前港姐蔡嘉欣曾被指經常搶對白，兼冇大冇細犯眾憎，雖然事後眾女力證沒有不和，但近日吳若希（Jinny）突然上載一段名為「吳若希蔡嘉欣爭位實錄！姊妹淘主持不和升級？」的片段，再度踢爆蔡嘉欣被一眾主持「排擠」。
其實她們私底下感情要好，性格率直的蔡嘉欣更經常成為眾人笑柄。眾人為5月生日的Jinny慶祝時，蔡嘉欣突然爆出金句：「你真係以為自己係《姊妹淘》一姐？你當莊思敏係咩呀？」Jinny笑言：「我覺得《姊妹淘》啲人真係好mean，我好唔想同佢哋做姊妹，我劈炮要轉組。」蔡嘉欣即說：「轉去邊？有你嘅容身之地咩？」Jinny當堂被嚇窒說：「對唔住嘉欣姐，係我唔啱。」