歌手林德信（Alex）日前接受香港開電視訪問，大談製作新歌《愛沒有理由》的感受：「好多電影都係用3年時間製作，而我哋就用3年製作新歌同一段5分鐘嘅MV！」MV找來父親林子祥客串演出，他說：「構思要將男主角變老，佢哋話不如嘗試搵一個演員似我老咗，後來都係覺得搵Daddy最合理。（爸爸一口應承？）我都用咗好長時間同Daddy傾，哈哈！」
