歌手Cheronna日前為慶祝推出新歌《逐步拾回自己》，心情大好於停車場「開騷」，即使戴住口罩都冇影響水準，更抵死自嘲是「黑炭公主」︰「我以為自己喺停車場可以唱到公主咁，白雪公主喺森林對住啲動物唱，我係黑炭公主喺停車場對住啲車唱。」又慘爆話被同事嫌棄︰「點知我啲同事否認我係公主，仲幫我改咗個名……佢哋叫我做『先聲奪人死氣喉』！」但她看似不介意新花名，繼續哼唱新歌，相信一班Fans都會好期待她現場演繹。