吳卓羲諗計見黃宗澤 眼淚在心裏流
黃宗澤與吳卓羲（Ron）在網劇中第N次再合作，兩人冤氣到爆，透露早前在深圳隔離期間為見一面想盡辦法。Ron笑言不擔心傳出HeHe情，笑言還未看破世情。
藝人黃宗澤（Bosco）、吳卓羲（Ron）、蔡思貝、胡定欣、王浩信、譚俊彥、黃智雯及林夏薇等昨日在中環為邵氏網劇《廉政狙擊》進行開鏡拜神儀式。Bosco與Ron笑言合作了許多次，但仍未厭倦，Bosco笑說：「之前我哋喺深圳隔離住樓上樓下都見唔到面，要特登伸個頭出窗先見到一面。」Ron被笑問兩人會否太過癡纏？他笑說：「隔離好悶，好難見到人，見到一面直情眼淚在心裏流。（驚唔驚傳出HeHe情？）絕對唔會發生！有睇我哋嘅花邊新聞都知道，同埋我仲未看化世情。（做富二代律師好舒服？）夏天着住西裝都全身濕透。（底褲都濕埋？）咁又唔會，都唔着嘅，哈哈！」
蔡思貝劇疊劇唔怕撈亂
廉政劇最近無綫與邵氏鬧出雙胞，譚俊彥與蔡思貝同時要為無綫的《廉政行動2022》開工，問到拍攝時會否感到精神錯亂？譚俊彥笑說：「唔會！我哋拍咗咁多年戲，早已經精神分裂。混亂就唔會，兩套劇嘅劇本唔同。」思貝亦稱不會混淆角色，因角色設定不同，但未試過疊住拍2劇，同時看兩邊劇本，也要時間適應。
浩信在劇中肩負動作場面，包括要從5樓跳下，希望盡量親身上陣。新劇是胡定欣加盟邵氏後首部劇集，指角色是她演過最慘、最痛的角色，看劇本感動到喊。林夏薇則特別演出扮演ICAC一角，能夠與好友黃宗澤、吳卓羲首次合作，感到相當開心。