陳智燊冇乜收入豁出去
藝人陳智燊昨日出席鐘錶品牌活動，問到已有一段時間沒有出席公開活動的他心情如何？他說：「心情好緊張，舊年太太宋熙年佗細仔時，我仲少出街，留喺屋企拍片囉，疫情緩和咗，啲客都開始大膽啲肯出嚟做活動，個經濟都算開始復甦。（報酬滿意嗎？）都OK啦，依家只要夾啱自己鍾意嘅嘢同埋品牌OK，錢其實唔係最重要嘅。」
離巢無綫後發展KOL事業的他，表示比去年疫情嚴重時現已放鬆不少，問是否收入已較穩定所以放鬆？他說：「冇關係嘅，可能係冇乜收入，要豁出去囉，如果收入OK唔使擔心嘅，反而可能喺屋企唔使諗太多，仲會愈來愈縮。」又透露近期有電視台與他接洽商討合作：「TVB、ViuTV、香港開電視都有傾，啱做又夾啱時間咪做囉！」