利穎怡箍牙減磅全面進化
《東張西望》盛產女神，除了為愛犬眠乾睡濕的李旻芳，利穎怡（Joan）更有俠義心腸，在節目中不時為弱勢社群發聲，鏡頭後曾到深水埗做義工派口罩給露宿者，獲網民大讚心善則美。其實9年前剛加入無綫藝訓班時，她眼細口大，相貌平庸，跟現時的Bling Bling眼及櫻桃嘴，簡直判若兩人。
Joan日前受訪稱變靚純屬天然，指原本兩邊面反差大，入行時未懂以化妝掩飾：「畫粗眼線畫到變單眼皮，加上嗰時又未箍牙，仲有我減咗10幾磅，所以依家先同舊時個樣有分別啫。」又自爆經常被人指「變樣」，連自己都覺得奇怪：「好似早前剪咗短髮，啲人就話我唔同咗樣，我特登比較自己長同短髮嘅樣，又唔覺得差好遠喎。」