貝安琪珍藏裸女畫作

藝人貝安琪昨日出席慈善活動，並帶來媽咪及外公的珍藏畫作展出拍賣，她說：「我有好多畫喺德國，因為我都有畫畫，但疫情影響搬唔到過嚟。（有幾多名畫收藏？）名畫就冇喇！係收藏自己嘅畫，近來鍾意收藏黑白相，做藝術嘅朋友會介紹啲靚嘅作品畀我。（有冇自己影？）我畫畫好啲。」而她在美國修讀藝術時的作品，仍寄存在當地朋友家中，她希望有天能將畫作運回作展覽：「有40至50幅左右，係抽象畫，畫啲靚嘅女人，冇着衫嗰啲，哈哈！（有冇幫人做過呢類Model？）梗係冇啦！對住鏡畫自己嘅樣呀手呀就有，唔差o架！」