林作嘲鍾培生 扮輕敵實淆底

藝人林作與鍾培生昨日出席網上直播平台記者會，宣布2人將於一連4集的網上節目展開連場比併，為9月舉行的生死戰造勢，不過還未等及直播節目已隔空交鋒，後者先揶揄林作打3場官司輸足3場，與女友裕美一同現身的林作則反擊指沿途獲市民集郵，並齊叫「打X鍾培生」口號。林作受訪時揚言未感緊張：「依家進度係超越預期啦！（鍾培生話你之前場拳賽表現唔得！）我只係做個效果，未攞晒實力出嚟。（佢笑你打官司全部都輸喎！）網絡嘅嘢人云亦云……我覺得佢係表面輕敵，內裏淆底囉！」