孫儀凌同狗狗爭人氣

樂壇新人孫儀凌（Elise）推出新歌《感官旅程》後，再為香港開電視古裝劇《長安諾》唱主題曲《一世守護》，她日前接受專訪時直言夢想成真：「細個好羨慕可以唱劇集主題曲，依家終於有得唱，希望可以做洗腦歌。」她又多謝愛犬「栗子」在MV亮相後帶挈工作機會，6位數酬勞袋袋平安：「好振奮！啱啱出咗歌冇耐，公司接到機械人代言同美容廣告，都係借咗『栗子』嘅名氣，終於可以威番次畀隻狗嘅Fans睇，希望我人氣可以超越佢啦！」