藝人商天娥昨日出席活動，受訪時表示因難以忍受獨自隔離檢疫多日，最近推掉數個外地工作。對於前無綫編劇大爆有演員臨時改劇本，她表示不知情，但認為各行各業其實都有類似情況：「就算有咩改動，最重要係互相尊重下向最好嘅方向去做，同埋每個人用咩態度去睇對方，如果將件事向好去睇嘅咪好囉，如果向唔好方面睇，就會覺得對方多事囉！」
