菊梓喬被批劇集歌聽到膩
歌手菊梓喬（Hana）於前晚播出的《勁歌金曲》獻唱自己有份作曲的新歌《秘密花園》，此曲是劇集《逆天奇案》片尾曲，而且帶搖滾風格，有別她以往的苦情歌，她現場獻唱時坦言很緊張。
今集有份做「音樂導賞團」成員的資深DJ林柏希，指Hana的聲音很有力量，但單立文（豹哥）卻不太滿意：「坦白講真係唔Rock，係一隻普通嘅歌，但你把聲有辨識度，其實你可以作多方面嘗試。劇集歌曲可能就係你嘅致命傷，限制咗你，每部劇集都由你唱，有少少膩。如果你要站得住腳，一定要立體啲，我唔係話要唱得好，但你投射到你感動嘅嘢畀我，我聽到喊嘅話，我以後會關注你。」