張嘉兒笑囡囡完美主義
前港姐冠軍張嘉兒昨日出席活動，分享作為媽咪兼顧家庭及事業的心得，她表示最近花了30至40小時完成「正面管教認證講師課程」，學習教育小朋友的方法：「係學習控制自己情緒再管教小朋友，好似我4歲半嘅大女，佢見我有朋友嚟屋企就大喊，另有次因為扮公主帶漏手套，佢發脾氣，了解後原來佢想畀我睇佢最完美一面，佢係完美主義者。」
她自言不想說兩名囡囡有「公主病」，但自問非EQ爆棚，有時會為管教女兒而忟憎，但現已學曉要先冷靜後再跟小朋友傾，並說：「老公有叫我惡啲，唔可以放縱，係用愛教佢哋。」另外，她將與慧妍雅集成員宣傳港姐，屆時會表演跳舞。