胡楓紅館開騷 恨「4小生」合體

89歲胡楓昨日出席《胡楓約你開心派對2021》記者會，下月19日將於紅館舉行演唱會，獲多位紅星容祖兒、古天樂、陳奕迅、譚詠麟等拍片打氣。談到適逢父親節前夕開騷，他說：「我會喺演唱會上宣揚孝道，大家成日都話母愛偉大，其實爸爸喺出面做嘢受氣都好辛苦。（你啲仔女到時會上台？）唔會喇，但喺加拿大同英國嘅孫仔會預先拍片，而香港嘅2個孫女就帶埋我4個曾孫上台同我唱歌，我叫佢哋多啲練習。」