朱智賢再失愛犬:我被打敗了

藝人朱智賢早前在社交網透露17歲的愛犬莎莎離世,豈料相隔17日,另一隻愛犬Charlie亦離開主人,她於社交網心痛留言:「暫時個腦係一片空白……我真係接受唔到,我再一次感到生命無常嗰種無力感,一連兩次嘅打擊,我也被打敗了……作為一個主人,最遺憾嘅係我唔能夠喺佢離開嘅時候陪佢過埋最後一刻……我係忽略咗Charlie,想不到未有時間去照顧你,你已經離開了!」朱智賢又表示多謝朋友的關心,這時候,她需要沉澱一下。