Edan吐氣揚眉 變港大「生招牌」

人氣組合MIRROR連續6場九展演唱會前晚圓滿結束，24歲成員Edan除睇得又唱得外，原來都是知識分子，在DSE考得最佳5科25分成績進身港大，原意修讀商科或社工，但聽從老師建議而轉讀工商管理學學士（資訊系統），因沒有修讀過資訊及通訊科技課而影響成績，他曾笑說：「成績一般，能畢業已經是奇迹。」不過輸分唔輸陣，有網民發現港大經管學院的官方網頁，轉用他的照片吸引師弟、師妹報名，並非優異生都可以為母校「貼金」！

港大經管學院換上Edan的照片「吸客」。

死頂了整晚，姜濤（左）謝幕時終哭成淚人。

姜濤謝幕「大解放」

至於尾場演唱會上，MIRROR除勁歌熱舞及騷肌外，還有流不完的淚水。12子登上飛船時先喊一轉，當中Jer、Jeremy及Tiger最激動，紙巾不離手；到Alton Solo棟篤笑時，聞「鏡粉」指他是「世界第一」即感動哽咽；接着Encore環節，Jeremy聽見成員說「只要堅持就會夢想成真」再度淚如泉湧，Lokman哽咽表示深明「一加一大過二」的道理。捱到謝幕時，姜濤與AK終徹底釋放情緒，大哭一場，還不忘約定「鏡粉」：「下次喺更大嘅地方見！」

慶功宴上，Lokman以肯定語氣說：「紅館一定開。（入咗紙？）未到我哋知。」但經理人花姐說：「希望下個騷大家睇到新嘢，有質素先擺上紅館，我冇話唔做，但要喺適當嘅時候。」又爆姜濤今年內會拍戲。談及成員輪住喊，Jer、Jeremy與姜濤公認是喊包，唯獨Edan最硬淨，Alton笑他要睇眼科醫淚腺，AK「送多一程」稱完騷時11個人攬住喊，只有他無動於衷，Edan即解釋：「我唔識喊，咁總要個人做安慰嘅角色。」此外，對於有「鏡粉」花1.7萬元買黃牛飛，他們驚訝說：「有興趣認識佢，要影番張相，但唔應該買黃牛飛，欺騙行為，要打Pat Pat！」

而藝人森美代女兒支持「女婿安」Edan後，再在社交網高度表揚MIRROR：「感動，是因為付出的努力有回報，近年難得好睇的Show，還有可能好多大叔同我一樣，因為女兒喜愛，快樂地成為『女婿安』的爵粉！！你睇吓我個樣，見女婿幾甜，哈哈！」而Edan亦配合地回覆：「多謝外父！」