藝人鄭伊娜去年為丈夫潘敬祖誕下女兒「芊豆B」，今年首次以媽媽身份過母親節，令她非常興奮：「上年母親節BB未出世，感受冇咁深，今年同老公趁閒日冇咁多人，入赤柱望吓海睇吓風景，夜晚仲食德國菜，好滿足。其實因為疫情關係，我哋好少帶個女出去，好珍惜出街嘅機會。」她指BB已學識伸脷，讓她收到第一份母親節禮物：「佢舔咗我一下，我當係佢錫咗我一啖，覺得好甜。」而潘敬祖則笑說：「我送咗個好可愛嘅女畀佢，呢個已經係最大禮物啦！」
