張兆輝直踩14粒鐘凍到震！
張兆輝身在成都拍攝導演彭發執導的新片《宿敵》，日前他連踩14個鐘，除應付大量動作場面和開槍戲外，更要長時間淋雨。導演Cut機後，他凍得全身騰騰震，工作人員即遞上厚厚的毛氈和熱飲讓他取暖。
被反應彈整痛
張兆輝說：「呢場大結局拍咗12日，當日係煞科，場戲有落雨、撞車、開槍場面，足足拍咗成日！我全身濕透咁拍開槍戲，啲反應彈喺個身度又痛，加埋凍，所以一休息就成個人震晒。」完成拍攝後，全場工作人員拍手表揚他的專業態度，導演更親自送花致謝。
張兆輝每次工作都十分認真，坦言相當享受拍攝過程：「今次呢套戲拍得真係好好，彭發導演直頭話佢嘅火花返晒嚟！所以雖然拍得辛苦，但真係好有滿足感，好耐未試過拍一套咁緊張、刺激嘅戲，做一個咁有發揮嘅角色。」他直指電影是一個非常辛苦的行業，希望觀眾購票入場支持。