李蘊水着晒腿呃Like
藝人李蘊於9年前推出第2本性感寫真集後，就下嫁金融才俊兼生BB淡出幕前，現為1子1女之母的她，日前在網上再晒泳衣照，雖然只是着一件頭泳衣坐在窗台留影，但童顏加上白滑長腿，仍然呃到Like。
現年29歲的她前日受訪時說：「因為五一黃金周，老公同小朋友都放幾日假，所以咪一家去澳門酒店Staycation。」問到身為人母都晒泳裝？她反問：「件泳衣好性感咩？都只係背心、短褲咁上下款之嘛，以前影寫真嗰啲泳衣先叫性感，但生咗小朋友後，身材走樣，依家着唔番以前嗰啲啦，諗起都唔開心。」移居廣州多年的她稱，因疫情關係已有年多沒返港探親，但又不想受隔離之苦，故望疫情早日減退，可如以往般自由往返香港。