梁嘉琪返「娘家」有飽飯食
藝人梁嘉琪與嚴崇天昨日拍攝香港開電視節目《關於早餐的一些事》，2人以皇帝與王后扮相示人。講到嘉琪重返「娘家」，她笑說：「覺得好warm，佢哋畀飽飯我食，每日都食到好似all day breakfast咁，娘家好好，離開舊公司後，佢哋係第1個聯絡我嘅單位。」
去年離巢無綫後，她表示除了打理網店生意外，亦有keep住拍廣告，而今年就開始拍番電視節目。講到有指無綫首席創意官王祖藍有意找她回巢幫手，她即避談：「其實我工作上嘅選擇都係嗰一刻自己決定，冇因為邊個人而選擇。（即係祖藍有冇搵你？）其實我哋係同學，大家都仲有聯絡，不過唔會講工作嘢。」而嚴崇天表示首次與嘉琪合作，大讚對方體貼，又大爆節目中2人在五星級酒店有「床戲」。