馮盈盈壓力大 連續3星期嚟M
無綫節目《好聲好戲》前晚一集由馮盈盈、何廣沛、易宇航繼續接受配音考驗，盈盈被問到怎樣改善懶音，她爆喊說：「首先要認清自己嘅問題，訓練班之後上咗一個正音班，發現自己條脷喺口腔擺位有問題，今次參加比賽真係好緊張，緊張到失眠、喊、內分泌失調，我已經連續3星期嚟M，已經去咗睇醫生。」
何廣沛在3人中表現最差，被指甩了口形兼用錯語氣。對於屢被批評，何廣沛昨受訪時說：「今次壓力真係好大，因為我係比較後嘅時間先知要參與，唔係咁夠時間去準備，錄嘅時候亦緊張到失眠，同埋我配嘅頭兩個片段，都係一啲比較激動嘅場口，練習嘅時候又唔識養聲，結果錄嘅時候聲沙沙，表現失準。」