菊梓喬自認眼淺「喊得靚」
歌手菊梓喬前晚到電視城錄影《勁歌金曲》，大呻緊張：「因為今次有導賞團去評價，同埋有觀眾即場畀like。（驚唔驚畀人鬧到喊？）唔知呀，頭先綵排都好驚。（易唔易喊？）好易（口架）！人哋批評1、2句我都會喊，所以袋定紙巾。」她又搞笑自誇「喊得靚」：「我拍MV都喊得好好，但真喊會好肉酸。（怕唔怕嚇親觀眾？）應該有一半會走咗，哈哈。」
講到之前與「死敵」吳若希首次合唱，她表示：「真正見到大家就夾咗2、3次，但自己喺屋企練咗好多次，因為唔同key，比較難夾。」問到覺得誰唱得好聽？她謙稱：「一定係前輩好聽啲。（佢話合唱冇下次？）希望可以同多啲唔同歌手合唱。（你哋有冇增進感情？）都係一樣。（都係唔啱傾？）專心做音樂同努力啲。」