陳展鵬：係幾好嘢！林夏薇百變在後頭

視帝陳展鵬、林夏薇、黃智賢主演的無綫劇集《逆天奇案》前晚首播，首集平均收視高達25點，成為2021年暫時兩線劇集的單集收視之冠，令劇中演員都大感振奮。

小豪首集殉職

前晚開播一集中，已有不少緊張場口，當中包括警匪槍戰、飛車追逐及飛虎隊惡鬥恐怖分子，節奏明快，不少網民大讚有電影級水準。劇中飾演O記高級督察的展鵬首集大顯身手，既與警匪搏鬥，又投考飛虎隊，多個場口都相當有型。展鵬亦一改以前斯文造型，留鬚Man爆，與夏薇演感情戲時亦甚有默契。

對於收視報捷，展鵬昨日受訪時說：「係一個好開始，台前幕後用咗好多心血，每一集結尾都落咗工夫。」說到網民指有電影感，展鵬指剪接、後期工作應記一功：「畫面、構思同好多效果都加咗其他元素，係幾好嘢！我覺得香港觀眾係好期待港劇，只不過係有冇中佢哋口味，呢套劇係有港產劇味道，節奏好快，一幕接一幕之餘，透氣位亦擺得好靚，多方面都做得好好。」展鵬又指每一個單元都有不同前輩加入，就如首集的錢小豪實在是一大驚喜，可惜第一集便殉職，網民大感可惜，展鵬謂：「我可以保證每一個角色都係精心度過，形象好出，之後仲會有好多前輩出現，令成套劇好有戲味！」

拍攝過程辛苦

林夏薇於劇中飾演刑事情報科madam，她對於劇集獲觀眾喜愛大感興奮：「依家有咁樣嘅成績已經好鼓勵，因為拍攝過程都幾辛苦，證明大家嘅努力冇白費，網上大家都熱烈討論，希望大家繼續支持，之後仲有好多奇案。」夏薇又透露劇中會以百變造型查案，包括空姐、搬運羅拉Look等。