Anson落力跳舞累欣宜爆傷口

歌手鄭欣宜及組合MIRROR成員盧瀚霆（Anson Lo），昨日出席虛擬銀行活動。欣宜表示首次與男方拍廣告，感覺好正：「其實我哋仲有其他合作演出，大家都好鍾意跳舞，所以一拍即合。」談到她拍攝時剛做完急性盲腸炎手術，她笑言Anson拍最後鏡頭時跳得很落力：「見到佢咁樣，我都要更落力，唔可以輸！」Anson即大爆：「之後先發現佢因為呢個鏡頭而爆咗傷口。」欣宜笑言：「但依家冇事啦，好番晒，跳舞勁啲都得。」