郭富城年底開騷玩神秘

郭富城前晚出席主演電影《秘密訪客》的首映禮，台灣導演陳正道及演員許瑋甯、段奕宏及榮梓杉因疫情關係，未能來港，特意拍片支持，到場嘉賓則有張達明及李天翔。

開心影迷捧場

城城受訪時笑言很久沒進戲院欣賞自己的作品，對於新片於內地上映3日，大收約1.8億港元票房，他開心多謝支持業界的影迷：「聽番大部分觀眾都係讚賞，作為演員聽到真係好開心，希望之後繼續有好成績。今次係我第2次睇呢部戲，太太同家人都有嚟捧場，但因為兩個囡囡太細，等佢哋大個啲先睇番我嘅作品。」談到未能跟同片演員一齊宣傳，他表示疫情改變了許多工作模式：「大家分頭工作、宣傳，最重要係推動到呢部電影畀多啲人入場睇。」

代囡囡送花

之後他自爆正籌備年底舉行的演唱會，記者追問在甚麼地方舉行？他只說：「唔透露得，暫時要賣個關子先。（紅館連續幾年嘅聖誕、跨年檔期都搞唔成！）咁只能講我唔係喺紅館搞，但其他嘢真係唔講得住，要等大會公布。」提到母親節將至，問到如何跟太太方媛慶祝？他直言忘記重要節日：「好彩你哋提咗我，嗰日我可以同太太慶祝，最近除咗好勤力咁練書法之外，仲準備緊另一部新戲，同埋年底嘅演唱會，太投入工作喇！（會代囡囡買禮物？）當然會！簡單啲，就送紮靚花表達心意。」