憑英國求愛真人騷《求愛島》（Love Island）上位的英國女模Maura Higgins，最近受訪時自爆被老伯狂迷闖進寓所花園，偷拍穿着睡衣的她：「真係好得人驚，尤其係個阿伯，真係嚇親我！當時我着住睡衣坐喺屋外，一擰轉頭就見到佢好近。因為我坐嗰度，隔籬就係一個草叢，我見到阿伯個情況就好似恐怖片咁，佢舉起部手機，我聽到佢係咁喺度影相。」