蔡國威：以怨報德

蔡國威自言問心無愧，當初只想幫助好友渡過難關，無條件讓韓君婷住在他家中兩年，共度「同居」日子，在傳媒面前亦相當保護女方，但卻遭到如此對待，所以決定要講出真相。

「每月佢放低1,000蚊」

他否認講過「你究竟幾時搬走」，並爆出另一版本：「我可以對燈火發誓，完全冇講過，當日係韓小姐親口同我講話搵到理想職業，可以養到自己，然後早一晚同我講：『聽朝11點我會搬走，多謝』。」又強調對家中所有支出都應付自如，由對方搬來第一天，已跟她表明不用支付水電煤及供樓費用，他還額外租迷你倉放置雜物，以騰出更多地方給她。至於韓君婷所指的4位數家用，他說：「每個月佢會放低1,000蚊畀我，有時多500蚊，唔係我要求，係佢自己當係補貼。」

鬧爆唔長進

就韓君婷所講的被抹黑及瞓梳化，蔡國威坦言自對方申請破產的報道刊登以來，他對傳媒的回答一直是送祝福，並指是女方自願瞓梳化：「我一開始仲話畀房你瞓，你自己話瞓廳都得。」他直指對方不長進及不肯腳踏實地，她堅持辭職賴疫情，作為朋友已仁至義盡。至於有否取消追蹤對方的社交網？他同樣否認：「我完全冇做任何動作，我一直唔會做咁小學雞嘅嘢。」

除了發表千字文外，他又寫道：「不需要你歌功頌德，但點解要以怨報德？」昨日他第三度發文表示不會為此事再作回應。