無綫花旦李佳芯（Ali）成為前晚最後一集《大整蠱》的主角，被騙出席一個由江美儀與林盛斌主持的清談節目，高層樂易玲更出現監場。期間Ali需回答主持人的問題，首先被問到入行以來遇過最委屈的事，Ali自爆：「幾年前有一次頒獎禮，大會要求我同一個前輩影合照，但當我走過去，對方就走開咗。」她還應要求公開了對方的名字，不過江美儀不收貨。
之後再問最不想合作的藝人，被迫交名的Ali大感為難下無奈的說﹕「咁江美儀囉！你成日都逼我……我真係諗唔到。」江美儀即時交足戲扮喊及走開，嚇到Ali哭了出來，邊抹眼淚邊說：「我唔再想上呢啲節目。」待整蠱計劃大功告成，江美儀才現身告知真相，搞到Ali哭笑不分。
Ali事後受訪，坦言完全想不到會成為被整蠱對象：「今次真係完全畀佢哋呃晒，因為佢哋真係好好戲，樂小姐又喺度助攻，個節目好成功，希望大家睇完開心啦！」至於林盛斌就希望Ali大人有大量，江美儀亦在社交網站發文讚Ali﹕「雖然你唔鍾意我，但我要讚你，你真係好純，好真，好聰明，對我哋嘅友誼又好珍惜！」