「小三」瞓中間！何雁詩呻老公偏心

家有兩隻愛犬的何雁詩，昨日出席寵物活動，她本想帶其中一隻小型犬前來湊熱鬧，但遭經理人勸阻：「因為今日做嘢，加上佢係惡霸，細細粒淨係得把聲。（有冇難忘事？）有次Fred（老公鄭俊弘）帶佢喺屋苑行，突然甩咗狗繩，佢驚得滯衝咗入我娘家，好彩我同父母住得好近。」她又指愛犬與他們大被同眠：「佢瞓喺我哋中間，每朝起身，Fred都錫咗佢先。」談到工作，她坦言唱片宣傳已做得七七八八，加上資金耗盡，是時候工作搵真銀。