倪晨曦唔鍾意升Cup

倪晨曦昨日出席名店開幕，講到餵人奶令上圍升Cup，她尷尬笑言：「其實唔鍾意，着衫唔慣，以前個人偏瘦，希望返番去之前。（老公鍾唔鍾意？）佢對呢樣嘢冇評論。」講到下月就是榮升人母後的首個母親節，她笑言：「屈個仔同我食餐飯，自己寫張卡畀自己，再叫佢打手指模，到時應該同屋企人食飯，今年多咗奶奶一齊慶祝，而阿媽就喺加拿大，惟有叫阿妹送花畀佢。」同場有「小鮮肉」魏浚笙，他剛度過23歲生日，與女友食飯慶祝，拍拖6年的他亦謂有意結婚。