藝人李璧琦昨午到電台受訪，透露早前應慈善團體之邀，與中年人及長者暢談音樂：「有研究顯示唱歌可以釋放安多芬，同提升免疫力，效果比做運動更加好，亦會增加人與人之間嘅溝通。有長者就同我講，睇嚟唱歌好過打麻雀，哈哈！」她表示堅持每日練歌，亦會與丈夫在家「開騷」：「洗手間係最好嘅練歌房。近排有粉絲請我喺網上教身處加拿大嘅小朋友唱歌，家長話佢哋學得好開心，而且有明顯嘅進步。（對住電腦教有冇影響？）起初我都冇信心，但教咗幾個月，成績算唔錯。」
