藝人陳婉衡（Alycia）不止身材健美，亦是健身教練，她一直奉行低碳飲食Keep Fit：「夜晚盡量唔食澱粉質食物，只會下晝食，我會先食菜墊底，再食其他嘢，肉只會揀瘦肉，避免食肥肉、皮、太濃味嘅嘢同醬汁。」不過，她認為不用戒得過分清淡：「主要係平時食得健康，我間中都會食雪糕、蛋糕、雞蛋仔，最好同人分享，過到口癮又唔會咁肥。而另一貼士係千祈唔好餓住行超市，否則好難忍口，我平時唔會買零食，口痕就食生果，但盡量揀低糖嘅，例如士多啤梨同藍莓。」Alycia外出工作時習慣自備飯盒，在家亦會親自下廚，炮製簡單菜式，如果不懂煮飯，她推薦健康餐外賣：「有啲公司專做健康餐，每朝9點送3個飯盒上嚟，分為早午晚餐，可以更有效控制每日吸收嘅卡路里。」