陳柏宇驚鬼唔敢沖涼

歌手陳柏宇昨日亮相電台節目，由淺入深自揭多個秘密，當中自爆約7、8歲時不喜歡、甚至是不敢洗澡︰「可能細個怕鬼，驚瞇埋眼洗頭會有奇怪嘢發生，所以會開水扮沖涼，然後坐喺廁所上面等5分鐘。」並自誇擅長講大話，會製造「證據」︰「整濕條毛巾加開風筒吹頭，唔知呃咗屋企人幾耐，我係打完波都唔沖涼！覺得個頭油嘅話就等到唔油先上床，有段時間隻腳係臭。」主持森美笑他罔顧衞生，他即澄清現時日日有沖涼，但又再爆料︰「都係近2年先開始夜晚刷牙，朝早就一定有刷嘅！」