謝芷蕙反轟「債主」騷擾

現年26歲的Cammi早前被「前度」S先生追債80萬，但她否認，並澄清未曾與對方拍拖。S先生之後再出擊，公開雙方親密床照及親吻照力證關係，惟Cammi以飲醉斷片為由，自言忘記影過這些照片，並斥拍攝者居心叵測。

考慮報警

本以為事件已告一段落，但原來Cammi仍是非不斷，昨日有讀者爆料指在啟德1號屋苑附近見到多張街招，當中印有多張Cammi與男友已打格的照片，並附有「老千情侶檔出沒」、「請畀返（番）我血汗錢」等字眼。記者就此事致電Cammi，她否認欠債：「我好肯定係邊個人做，冇人會咁無聊同得閒做出呢啲事。呢個人一直發訊息同開其他小號騷擾我，依家仲貼街招講話我欠佢錢，如果係真嘅話，點解電話都唔留一個？佢係咪驚死畀人搵到？真係欠錢，佢應該搵律師追，成日做埋呢啲無聊小人動作，睇嚟我今年應該求神拜佛趕走啲小人！我哋呢排忙住自己嘅工作，所以冇咁多時間理會呢個人講嘅是非，亦唔會再回應關於呢個人搞事嘅嘢，謝謝！」

問她既然知道始作俑者，會否找對方說清楚？她說：「大家冇誤會，冇嘢同呢個人講，識到佢算倒楣！」又表示已聯繫律師，商量後會向警方諮詢情況，之後再決定是否報案。

S先生嘲自導自演

對於Cammi被貼街招追數，S先生表示：「欠債還錢，天公地道！到處騙錢，報應來到！」講到女方稱知道誰貼街招，他說：「她是大話精，還有人相信她說的話嗎？叫她不要對號入座，不要再自導自演刷存在感了。」