上月宣布懷上第3胎的「神奇女俠」Gal Gadot受訪時，自爆早前飲醉切菜時不慎切走手指尖端，卻被老公將斷掉的部分當垃圾處理！
主演DC超級英雄片《神奇女俠》（Wonder Woman）系列的35歲以色列女星Gal，接受美國名嘴Jimmy Kimmel視像訪問，自爆左手食指受傷的經歷：「你知啦疫情初期，你朝早11點幾就會飲醉，我就係咁。於是我就想整個椰菜沙律，咁我開始切啦，然後就切走咗隻手指尖。」
Gal的富商老公Yaron Varsano拾起Gal的斷指部分，卻感到非常惡心，於是掉落廚房的食物垃圾處理機，Gal的手指肉被當成廚餘絞碎後沖到排水渠，想駁也駁不了！Jimmy聽到後笑說：「唔係吓話？你唔好再同佢生B啦！」
問到有否到醫院治理？Gal表示沒有：「冇啦，都掉咗落食物垃圾處理機，冇嘢好駁。依家我手指尖冇晒感覺，我成日摸佢，睇吓有冇生番出嚟。」她與Yaron結婚12年，育有2女，上月於社交網宣布懷上第3胎女兒。