樂宜備戰一星期 越Cup鬥波波

樂宜戒口兼喪做Gym，以最佳狀態挑戰「E奶」波波。

憑澎湃身材在《#後生仔傾吓偈》出位的「波波」黃凱儀，昨日偕樂宜、「肥妹」李文潔及陳紫芊齊齊行內衣騷，36E波波勝在「胸」狠，而34C樂宜則身形最平均，各有千秋！樂宜受訪時說：「今次準備時間好趕，得一個禮拜極速減肥，平日鍾意食甜品嘅我要全面戒甜、戒澱粉質，仲要每日健身！」

儲性感內衣自娛

「處女下海」的樂宜心情難免緊張，問是否最着緊「打底」，她笑說：「我着咗兩條內褲，用T-back打底，因為驚透。」談到收藏性感內衣，她直言是興趣：「屋企有兩個櫃，見到靚嘅就買，我仲會配飾物，好似喱士兔仔耳咁。（着畀人睇？）有時自己着畀自己睇都好開心。」

波波	陳紫芊（左）與李文潔身材不分上下，各具美態。

而波波則自言健康性感：「平日我喺社交網衣着比較保守。（以後做多啲？有冇底線？）睇公司安排啦！咁都可以商量吓嘅，尊重公司意見，好似今日咁舒服就OK。（安排你行性感路線展示長處？）我仲有好多長處，好似溜冰同風水命理，後者我學緊，希望遲啲有機會幫大家睇。（最唔滿意邊部分？）矮，希望高多10cm。（你幾歲？仲未發育完？）23歲，我充滿正能量，不過可能係自己幻想啫！」