麥明詩出入酒店開工
「十優港姐」麥明詩日前宣布「復出」拍劇，與黃德斌及麥子樂等拍攝戚其義監製的亞視網劇，雖然該劇本月底才舉行記者會，但劇組原來已急不及待開工，昨日被發現於銅鑼灣某酒店門外取景，身穿連身裙的麥明詩，狀態不俗，拍攝拎住小手袋行入酒店的戲份熱身。
現場所見，她不用埋位時忙於撳手機，未知是否一心二用，邊拍劇邊處理公事。談到自無綫劇《殺手》後，相隔一年多再拍劇，她坦言有壓力及緊張，幸劇組不時講笑令她放鬆，問到拍攝前可有為角色準備？她昨日受訪說：「除咗做Facial扮靚，呢排一有時間就游早水，鍛煉體能順便減肥，同埋唔想食外賣，會自己準備飯盒，盡量健康啲。」