美國男星Zac Efron被爆與澳洲女模Vanessa Valladares拍拖未夠1年已分手，甩拖的他日前亮相地球日宣傳片，看來走晒樣，因而被網民懷疑整容！有Fans直指其樣貌與以前好唔同，尤其是腮骨位的肌肉明顯脹大很多，有網民留言：「我拒絕相信呢個係Zac Efron！」有網民爆粗：「唔X係呀嘛！」有人更取笑他似足動畫人物史力加及《海綿寶寶》中的章魚哥。
不過亦有Fans護航，認為與他2013年在家意外跌傷下巴有關：「你哋記得Zac Efron整碎過下巴係咪？點解一啲同情心都冇？你哋所有人咁快就忘記晒件事！」