老公人肉速遞 莫文蔚密密操
歌手莫文蔚昨日舉行記者會宣傳6月舉行的個唱，已16年沒在紅館開騷的她，預告這是最後一次同類型大型巡演，並透露現時開始操練，而老公最近已從德國回來：「反而係佢操我，逼我做運動再Fit啲，佢會留低睇埋演唱會。（叫埋佢上台？）未度到。（叫佢唱歌？）唔好啦！不過我哋喺英國屋企有4手聯手彈琴。（到時一齊表演彈琴？）睇吓有冇時間練先。」
提到江美儀在節目《開心大綜藝》扮她唱《呼吸有袋》，她大讚對方扮得幾好。再講到演唱會海報引起很大回響，她笑說：「其實真正海報今日先出，之前嗰張係彩蛋，我會出一系列球星卡，畀人儲吓。（係咁畀人惡搞？）我有睇呀！覺得好精彩，香港人好有創意。（冇嬲？）冇諗過大家咁熱烈，我受寵若驚。」