「港普F4」合體 蔡少芬自誇顏值擔當
蔡少芬（Ada）、朱茵、陳法蓉與洪欣組成女團「港普F4」，首度合體登上真人騷節目《請吃燒烤的姐姐》。4人相識逾20載，節目中一齊圓夢開燒烤店做生意，Ada說：「我哋關係太好，好到有啲爛，驚火花一擦就燒着大家，平時私下都會鬧交，一齊工作應該會有火花。」
Ada認為4人合作有默契，又笑稱自己拍得最多真人騷，自認是她們的「老師」：「我會負責搞氣氛，平時一齊食飯都係我搞笑，朱茵就笑吓掛住食嘢，洪欣比較多嘢講，由頭講到尾，我就會話『其實你講重點就得』，陳法蓉就博學多才。」她又自詡是「顏值擔當」：「4個中我最年輕又最高，樣靚身材正呢家嘢，真係好難講。」至於誰最「港普」？她笑說：「佢哋3個都好『港普』，我係最標準。」