曾有多段失敗關係的42歲英國女模佐敦，宣布與拍拖10個月的32歲男友Carl Woods訂婚，今次已經是她第8度訂婚，未知能否長久？
佐敦（Jordan、原名Katie Price）上月中在社交網上載於車上摸肚的照片，留言多謝Carl，暗示懷孕，將會是她第6個孩子。她前日更上載穿上白裙與穿西裝的Carl合照，展示手上的鑽石戒指，由Carl牽手及攬腰，宣布訂婚消息，非常甜蜜！
佐敦留言：「我講咗我願意！」她一如以往販賣私生活的做法，呼籲網友留意下周推出的八卦雜誌，會有更多照片與詳情。有傳她今次賣故事，賺到5位數字英鎊酬勞。曾參演求愛真人騷《求愛島》（Love Island）的汽車經紀Carl，與佐敦拍拖只有10個月，卻大得她歡心。去年佐敦於土耳其度假時雙腳受傷要打石膏，Carl悉心在醫院照顧她，被她大讚不離不棄。
今次已經是佐敦第8度訂婚，3年前與第3任老公Kieran Hayler離婚，上月在法庭辦好最後手續。她2年前與男友Kris Boyson訂婚，但之後1個月就分手。她分別與3名前度育有5名子女。
她受訪時大讚Carl有承擔：「如果我決定唔再工作，佢係會養我，同呢種男人一齊係好新鮮，我好愛佢。我哋之前傾過好多，所以我都知佢會咁做，但我只係未知幾時，真係好正！Carl先問我父母批准，然後問（兒子）Junior。我媽已經叫Carl唔好亂待薄我，到目前佢都過到佢哋嗰關。」又指Carl對她的名氣沒有興趣，有自己的事業與資產。