張建聲3度增肥：食到胃酸倒流

張建聲、「蝦頭」楊詩敏、楊柳青、武打影星陳觀泰等，昨日出席電影拜神儀式。張建聲透露第3次為電影增肥：「個角色講我係鬱鬱不得志嘅肥導演，同陳觀泰合力創造一套現代武俠片。」並自爆現時220磅，是人生最肥：「兩個月增30幾磅，其實食到胃痛、胃酸倒流，去大便都有血。」而蝦頭表示飾演張建聲太太：「我個角色阻止佢做導演，叫佢面對生活，有場戲講我哋將心底話爆出嚟。」
張建聲與蝦頭於新片飾演夫妻。
張建聲與蝦頭於新片飾演夫妻。

楊柳青表示飾演啤酒妹，被導演發掘做演員，要1人分飾3角，非常考演技。至於身形甚弗的陳觀泰自爆去年初患病：「有輪我變咗素食，搞到營養不足，睇醫生先發覺原來紅血球同白血球失衡，入醫院輸咗2袋血，之後食番正常嘢，依家都要打針同食藥。」

楊柳青熟讀劇本，務求以最佳表現演出。
  • 楊柳青熟讀劇本，務求以最佳表現演出。