Gin Lee失落歌后 踩過界爭影后？
歌手李幸倪（Gin Lee）昨日在北角出席微電影《失格遊人》放映會，透露微電影是改編自己的故事，邊睇邊想起已過世的愛貓，不禁爆喊：「睇完都未平復到，好激動。自己好眼淺，睇卡通片都會喊。」提到首度以演員身份贏得海外獎項，問目標是否挑戰影后？她笑說：「又冇諗呢啲。（下次希望挑戰咩題材？）自己係新人，咩題材、角色都有興趣，特別係喜劇，就算演好似《食神》裏面嘅醜角『火雞姐』都得。」
至於提到日前在《Chill Club推介榜 年度推介20/21》不敵林二汶，失落「年度女歌手」金獎，有粉絲戥她唔抵，她表示：「就算我拎咗，其他歌手嘅粉絲亦會有同樣反應，大家都支持自己嘅偶像。多謝每位投票嘅樂迷，獎項百分百由網民投選，無論攞咩獎都開心。」