何雁詩唔夠喉 走勻全港Busking
獨立歌手何雁詩昨日到電台宣傳新碟《Que Sera Sera》，提到上星期Busking反應熱烈，更獲好姊妹陳瀅及蔡思貝送花撐場，問她會否考慮「加場」？她興奮說：「上次淨係唱咗九龍區，希望可以去埋港島、新界。（走勻18區？）我驚會嘈到民居，銅鑼灣應該OK。（下次有另一批好姊妹支持？）我冇咁多張人情卡喎，留番下次有機會再出碟先，佢哋嚟已經好Sweet。」
她坦言有向唱片舖查詢新碟銷情，賣得比預期中理想，打了一支強心針，又透露試過最多一次買自己10張唱片：「同老公（鄭俊弘）一樣，希望有人可以打破呢個紀錄。（打破到有咩獎勵？）送張Poster，係咪好流？哈哈。（送香吻？）女仔就得，男仔就握手恭喜佢，嗰日老公都係握手咋！」