伊健「農」咁威 落田起勢鋤
熱愛大自然的鄭伊健覺得耕種是一種輕鬆運動，樂於化身農夫執起鋤頭落田種菜，並全力支持經理人林珊珊租用田地，體驗農民生活。
鄭伊健日前應林珊珊主理的頻道邀請，與一班大學生合作拍片，體驗做農夫的生活，珊珊亦偕兩名女兒李澄（西瓜）和李怡（野人）一齊落田耕種。做好準備的伊健戴了新款太陽帽，但甫展示即被人搶去，非常搞笑。
最輕鬆運動
原來他對耕種頗有經驗，曾跟住在新界的朋友多次耕種，他說：「今次嘅體驗令我哋識多咗農場嘅嘢，我哋城市人為咗令自己身體健康，間中去郊外郁動、拎吓鋤頭，總好過成日坐喺度。」他認為耕種亦算一種運動，而且是最輕鬆的運動：「我覺得一啲都唔辛苦，有時間應該多啲嚟郊外參與耕種。食物對香港人嚟講好重要，但太少人參與種植，應該支持呢啲落田概念。」
林珊珊一試愛上
首次落田的珊珊一試愛上，她笑言：「喺現場勞動咗一日，就更加想租一塊田嚟耕種，公司同事好支持我，希望可以好快實現。」至於西瓜最初擔心應付不來，承認平時嬌生慣養，怕蟲又怕濕，她笑說：「我唔熟手，又雞手鴨腳，差啲將個鋤頭鋤到人，但好享受。最開心係食新鮮蔬菜嗰陣，加埋天然配料，就明白我哋平日食嘅嘢有幾人工化。」身為瑜伽導師的野人給自己60分，她相信如果沒有時間限制，應該可以做得更好！