林子善生日 同「三哥」食餐勁

「鐵馬家族」出名感情要好，成員林子善生日，身為「三哥」的黃嘉樂與女友立即相約壽星仔夫婦慶祝。4人到日式火鍋店點了大量美食，包括長腳蟹及和牛等，大快朵頤！林子善開心表示：「呢餐飯約咗2年終於約到，大家好開心，因為當年老婆大肚要忍口，之後疫情嚴重，到咗今日終於可以食餐勁嘅。鐵馬兄弟齊人就Very Good，三哥三嫂，再次多謝你嘅蛋糕。」網民見黃嘉樂與女友相當恩愛，紛紛問他們何時拉埋天窗。