何雁詩忙於宣傳自資的新專輯，日前她連趕3站，租了流動車走到旺角、尖沙咀等鬧市玩演唱，吸引大批市民粉絲捧場，老公鄭俊弘幫她彈結他伴奏，在尾站兩個好姊妺蔡思貝、陳瀅突然現身撐場，令她非常驚喜。她笑說：「思貝買晒花嚟，買咗Sweet Sarah，配合番我專輯名《Que Sera Sera》。」
去年她在流動車做過1次直播，當時疫情嚴峻，故沒有通知粉絲，只停泊在偏僻地方，她說：「今次好開心，之前擔心唔知可以泊喺邊，結果好順利，陳瀅仲陪我唱《灰夠》。」陳瀅表示趕到一定要唱歌，何雁詩即笑說：「佢成日話要做歌手，畀佢圓歌手夢。（佢唱得好聽？）佢唱咩我都覺得好聽啦！」