社交網被Hack 高海寧險失「金蛋」一額汗
藝人高海寧落力經營社交網，不時上載性感照大派福利，閒時又會與Fans分享生活點滴，成功吸引近60萬人Follow。不過，她突然在限時動態留言：「終於用得番……嚇死！以為被Hack了！」現今社會，不少公司會找藝人落社交網廣告，如高海寧失去這個「生財工具」，相信不只心痛，荷包會更痛！
高海寧受訪時說：「我都唔知發生咩事，係突然間發生，我入到個帳戶，但乜都做唔到，睇唔到自己嘅嘢，睇唔到人哋嘅嘢，Like、Comment全部唔得，總之郁唔到，就好似畀人凍結咗咁。大概2日左右，突然間尋晚又正常番，我Check咗登入紀錄，發現美國嗰邊有人登入過，我即刻改咗個密碼。」